تشكل آسي: تعبير يفيد شدة حب متلقي الكلام, و تفيد انه تضع الأس( وهو نبات اخضر ) يوضع على القبور, يعني بالعربي عم يلي بإلك تشكل أسي
, يعني بس موت تزورني ب قبري و تشكل اي : تضع , آس على قبري
والسبع تنعام: لنا الشرف
أيدي بزنارك: طلب شيء برجاء شديد و يفيد التمسك بالشخص بشدة و معروف انه أقوى مسكة هي مسكة الخصر أو الزنار
عقلو جوزتين بخرج: شخص ضيق الأفق , و يغير عقلو بسرعة ,
حاج تحوص وتلوص: توقف عن التنقل من مكان لمكان
شروي غروي: الذي يتكلم كلاماً بلا معنى من الشرق إلى الغرب
أسييع: أفسح المجال لكي أمر يعني أوسع بتسمعها بسوق الحميدية كتير و خاصة من جماعة الدراجة الهوائية
خود عليك: ابتعد قليلاً و بتكون بالإشارة للكمان خود عليك لهون
كلبشتو: تعلقت به، تمسكت به من كلبشة
مجنط: مفلس , يعني راح الكاوشوك و صفي على الجنط أبدا ولا نكلة
سرنوة: خبيثة تخفي خبثها بذكاء
الشنتير: الكبير الذي لم يعد طفلاً و غالبا يستخدم المصطلح مع البهدلة
أنتتر: يعني انتفض نط بسرعة
الشاضومة: أمرأة قوية وثرثارة و تشضم شضما , يعني بتحكي بقوة و عنف
أم كمونة: البخيلة
جئر: وقح وعنيد
النايط و النعيان : الإنسان البارد والبطيء
سمّاوية: المرأة القوية واللئيمة , التي تبث السم يعني تؤذي الأخرين
فصعونة : الفتاة الصغيرة و نفس الشي الفصعون و المنطوط
الواه الواه: مصطلح تستخدمه النساء للاستهزاء على شيء ما
هرنة: فتاة في مقتبل العمر ولكن تتصرف وتتكلم ككبار السن
صعي: على فكرة أو للتعجب واصلها صحيح بس تآكلت مع الزمن
ليكو، ليكا، ليكوكة: أسماء الإشارة للبعيد بإلك ليكو هنيك لاطيلك
لاطيلك : يعني لاطي متخبي , يتربص
شحو، شحوكة: أسماء إشارة للقريب
وين غاطط: تقال لشخص لم نره من مدة
شفاتير : شفايف
معت : يعني ممل بايخ
مفزلك : يعني شايف حالو على الفاضي أو مفلسف فزلكة يعني فبركها حبكها فلسفها
زمك : يعني قصير
سئيل : يعني دمه تئييل
معنطز: شايف حالو و عم بتعنظز على الخلق
طشم: غبي جداً
سرسري: الشخص الرذيل السافل
بركي, بلكي : أي بمعنى ربما
مسرسبة: تحب النظافة كثيراً بشكل أحيانا يشكل إزعاج
تاتاً: أبداً نهائيا قطعا
شو عليه: تدل على الموافقة، لا مانع أي انه ما عليه شي
مطرمخ: حالة الشخص بعد الاستيقاظ مباشرة، أو الشخص المريض.أي بمعنى راسو تقيل و متل يلي نائر سيجارة حشيش
الشرنة: هي المرة الوسخة المكركبة المبهدلة والمجعلكة
يا عيب الشوم: عبارة بتعني أحد معنيين ياأما سلبي (ياعيب الشوم عليك) أي شو أنت ما بتستحي؟؟ أو إيجابي (ياعيب الشوم منك) أي والله خجلتني بلطفك وما كنت بدي عزبك
أواعي: جمع واعة أي الملابس
سد بوزك: أي اسكت أو اصمت أو اخرس.... مسبة طبعا
شاطو: أي رفسو برجلو.. وحاليا عم تستعمل استعمال مجازي بمعنى أجللو موعدو أو ألعو
أوعا أوعي, أوعا الزيت, أوعا السمنة,... إلخ: تعبير مو كتير أديم درج بعد ما درجو البسكليتات بالبلد وكانو يستعملون راكبين البسكليتات وخصوصي بحارات الشام الأديمة والديئة طبعا كتنبيه أو إنذار بمعنى (انتبه.. ورائك دراجة
ليك, اطلع, شوف: يعني انظر
ليش: أي لماذا
دخيلك: اختصار ل(داخل على الله وعليك) بتفيد الترجي أو التمني وبتستخدم كمان للغزل
متووك : يعني شخص عايش بقدرة قادر
عايف حالو : يعني لا حول له ولا قوة
عيفنا يا : يعني تركنا من هالشي
خود بئا : يعني استلم وسماع ( عن امتعاض
أصلن : يعني أساسا أو بالأصل
يي على كسرتك : دعوة من دعاوي النسوان إلي مالها طعمة
ينيشنوك من ببو عينك : يعني يئوصوك وتدخل الرصاصة بمنتصف عينك
ببو عينو : يعني بؤبؤ العين
في مصطلح: انشالله ما بحترمك, ويفيد الرجاء من الله ألا يحرم من هذا الشخص
مخستك : يعني تعبان ومرضان وعايف حالي