3 مشترك

حبي الذي لايموت

lady_rose: عضو جديد; عدد المساهمات : 7
نقاط : 11
السٌّمعَة : 5
تاريخ التسجيل : 13/08/2009
العمر : 38

مساهمة رقم 1

حبي الذي لايموت

lady_rose الأحد أغسطس 30, 2009 6:27 am

بما انها مشاركتي الاولى فحبيت تكون هالقصة الحلوة...هلأ القصة طويلة بس ممتعة بتمنى تعجبكم...
إنها قصة رائعة عن شاب سعودي قمت بدبلجتها دبلجة سورية _بتعرفوا اللهجة السعودية شوي صعبة_
و طلعت شو قصة...يعني بحياتي ما ضحكت هالضحك و أنا عم أكتب القصة..
اترككم مع القصة الرائعة ..الساحرة..الساخرة..حبي الذي لا يموت
في البداية ترددت كثيرا في سرد قصة حبي الاول ....ومثل ما يقال دائما وما الحب الا للحبيب الأول....
مكان التعارف:السوق
الزمان:وقت عمري 18سنة و هي عمرها 16 سنة وثلاثة ارباع السنة (شوفوا الدقة)....
القصة :ما عمري عرفت أغازل بنت أو أطبق شي وحدة..بس خلص صار لازم أحب...كيف كيف ؟؟؟؟
لقيتها..
بالسوق إلا ما شفلي شي بنت و تزبط معي و اعرف احكي معها..
و فعلا صرت بين الفترة و الفترة أنزل عالسوق أبحث عن حبي الضائع....
و يوم من الأيام بعد أن تأنقت ووضعت نظارتي (الشبح)و تحممت بالعطر..خرجت من بيتي بخطوات واثقة متجها إلى السوق...
وأنا ماشي و عم اتفرج على هالبنات باحثا عن حبي الضائع...و بعد مشوار طويل شفت بنتين عبيتمشوا بهالسوق..واحدة طويلة و التانية قصيرة..قلت يا ولد هي فرصتك الأخيرة..
مشيت وراهم و انا عم فكر كيف بدي اتحركش فيهم...
وصرت الحقهم فوق الساعة و نص...من محل لمحل ..إذا أسرعوا أسرعت..و إذا هدوا هديت..و إذا و قفوا وقفت..
هيييييييييييييييك لحتى وصلوا لمحل ذهب و وقفوا و التفتوا لعندي و ما حكوا قربت لعندهم شوي شوي و ما تحركوا..قلت لنفسي بس ياولد السنارة غمزت و تعلقوا البنتين فيك..طبعا ما قدروا يقاوموا نظارتي الشمسية..
و اقتربت أكثر فأكثر باتجاه البنت الطويلة و طالعت ورقة من جيبي و ناولتها ياها..
صاحت فيني البنت القصيرة (يا عيب الشوم عم تعطيها ورقة..قليل أدب و ذوق.....)
قلت بنفسي هي غيرة البنات اشتغلت ..بلكي هي بدها ياني...قلتلها والله اللي بدها تاخد الرقم ،و إذا بدكم مستعد أكتب الرقم في ورقة تانية ..
قالت لي القصيرة بصوت عالي:عما وجع يوجع قلبك هي شغالتي بس ما بلومك على هاللوح اللي فوق عيونك (تقصد نظارتي الشمسية)
رفعت نظارتي الشمسية و لبست الطبية.....لعمااااااااااااااااااااااااااااااااااا شو وضحت الصورة طلعت الطويلة مفحمة..الله يستر عليها
حسيت حالي بموقف باااااااااااااااايخ..
حاولت ألملم الموضوع قلتلها حلاوتك عمتني ما عدت اقدر أميز ..آآآآآآآآآآآ..
عطيتها الورقة و الغريب إنها أخدتها..(و بيقولوا البنات صعبات و ما بيحبوا التلطيش..فعلا يتمنعن و هن الراغبات)...
فتحت الورقة طلعت فيها وصرخت بوجهي:تضرب على هيك خط ما بتعرف تصمم كرت انت و وجهك و تطبعه...
رديت عليها بسذاجة و ليه البعزقه!!..هيك أوفر و أحلى..
المهم البنت راحت تقرا..و بصوت عالي...العاشق الولهان المحروم...هذا اسمك.يا حرااااام
و تكمل البنت هاتف رقم526.....هههههههه بعد الساعة12 مساءاً..وجع ليييه؟؟
رديت عليها و انا مندمج في السجية منشان أهلي بيكونوا نايمين....
قالت:ليه ما عندك موبايل...و شلون ما عندك موبايل؟؟؟
قلت لها وهي كانت في غاية الدهشة لاوالله ماعندي موبايل ..بس بالإجازات باخد موبايل أبي...ولسه ماكملت حكي
ضحكت هالبنت ضحكة قوية..و أنا كالطفل البريئ واقف أمامها...
قالتلي انت أهبل و لا عم تهبلها؟؟!!ولا عم تخفف دم!!!
(حسيت حالي أهبل..)قلتلها لأ طبعا عم خفف دم..عجبتك المزحة..طبعا عندي موبايل(و عطيتها رقم رفيقي ابو حميد)
قالت :ولي عليك شو دمك خفيف..وهي عم تضحك..
قالتلي عندكم صفر و لا ما عندكم؟؟
قلتلها:ولو طبعا عنا صفر!!
قالت طيب رح ادقلك....ولا أقلك خود رقمي 09..خمستيين ثلاث خمسات خمسة..ولسه انا عم طالع قلمي وورقة ...قالت يووه الرقم صفر والباقي خمسات..دق بعد الساعه 12 اذا تاخرت عليك ,,ماشي مو تنسى ...واحتمال انا ادقلك يللا باي هلأ ياحلو..........
وطلعت من السوق و أنا طاير من الفرحة و عم غني ..قصدت رفيقي لأحكيلو شو صار معي و لأطلب منو يعيرني موبايله لفترة...
(عندي طلب منك يا ابو حميد و بتمنى ما تردني خايب)
(ولو يا زلمة نحن رفقة و لبعضنا..طلوب )
و حكيتلو عن البنت و طلبت منه يعيرني موبايله حتى ما أطلع أهبل مع البنت..بالبداية رفض:
(يا أخي الموبايل ما بينعار..بعدين شو هالبنت اللي طيرتلك عقلك؟؟!!)
(ولو يا أبو حميد ..مو الصديق عند الضيق..بوعدك من بكره رح اجيبلك خط بدل خطك بس مو حلوة تخجلني مع البنت......ما صدقت و طبقت شي بنت..والبنت مبين عليها بنت نعمه ..بتصدق إنو إلها شغالة...و بوعدك إذا طبقتها رح اشبكك مع رفيقتها..شو قلت؟؟؟ّّ)
(طيب و رفيقتها حلوة؟؟)
(شو حلوة بتطير العقل ..بنت و لا بالأفلام_الله يستر عليها_)
(ماشي هي الموبايل..بس ما تتأخر علي بكره بالخط الجديد )
(لك كفو يا ابو حميد)
.......يتبع في جزء آخر نظرا لطول الصفحة و تجاوز الحد المسموح

lady_rose

lady_rose: عضو جديد; عدد المساهمات : 7
نقاط : 11
السٌّمعَة : 5
تاريخ التسجيل : 13/08/2009
العمر : 38

مساهمة رقم 2

تتمة

lady_rose الإثنين أغسطس 31, 2009 4:47 am

بعدها رجعت عالبيت و سويت كم حركة تمويه على بيتنا اني نايم بكير ومطفي كل الأنوار...
و قلبي يدق يدق ..قربت الساعة12...
صارت12وما حدا دق ...يللا بنتظر خمس دقايق..و ما مرت الخمس دقايق إلا و قلبي العاشق انطبخ..يا ترى نسيت و لا ضيعت رقمي...يا ربي يا ربي..أدق عليها و لا أستنى أدق ولا ما دق...
خلص رح ادق ...يمكن هادا تقل بنات..
دقيت الرقم صفر...خمستين خمسة ثلاث خمسات ...تننط تنننط ..الو مرحبا..(صوت رجالي خشن)
ولي مين هاد ابوها و لا اخوها..شو قول..و شوي شوي استجمعت قواي و قلتللو(مرحبا هون بيت عبد الرحمن)بعمركم سمعتو حدا بيدق عالموبايل و بيقول هون بيت فلان...
رد علي وهو معصب(يعني عم تهبلها...بس دواك عندي أنت و أمثالك حتى تبطل تزعجني..أنت بتعرف أنا مين و شو بقدر سوي فيك؟؟..)
ساعتها حسيت اني تجمدت في مكاني وزرقت اطرافي وحسيت ان انفاسي بتتوقف..
ورد علي ذاك الصوتهلأ رح أتصل بالهاتف ليوقفوا رقمك أو رح أخلي الشرطة تشحطك منشان تعرف تزعج المسؤولين ..
ولي على هالعلقه ...(الله يخليك تسامحني مو قصدي أزعجك...)
(يعني عاملني تسلايتك)
(لا و الله ..اعتبرني أخوك الصغير و غلط..سامحني الله يخليك..التوبة ما رح عيدها...)
وسكت ابو صوت شوية ثم قال(طيب..هالمرة مسامح..بس يا ويلك..)
(خلص ..خلص.. ما بحياتي رح أزعجك..)
وجلست في غرفتي متقرفص كلي فوق بعضي متقبط في مكاني ولوني رايح وصوتي مختفي..وحاضن التليفون بيدي خايف لا الشرطة تتصل ولا ذاك يعلم ابوي علي...وبعد ساعه يعني على الساعة1 و ربع إلا و التلفون بيرن....
(فتحت الخط و أنا متلبك وخايف و عم قول ..خلص والله التوبة...فإذا بسمع صوت ضحكة البنت..و هي عم تقول(شو رأيك ما وقفتلك قلبك..ههههههههههههههه)
قلت لها يعني ذاك الرقم مو رقمك قالت لي وهي تضحك يعني لو رقمي بعطيه لأشكالك..بس حبيت وقفلك قلبك منشان إذا كلمتك ما تعرف تفكر و لاتكذب أو تنصب علي..يا شاطر...
_والله العظيم الذي لا اله الا هو لو ماهي بنت لكنت لالعن و العن..بس ..بس قلت ياولد مادام بنت ياقلبي خليها تتدلع ..وبخفف دمي عليها .._قلتلها بتعرفي ليه دقيت على الرقم اللي قلتي لي عنه بس لحتى آخذك على قد عقلك
قالت لي البنت ايوا والله كتير صدقتك انا ..والله اللي بيسمعك ما بيقول هيك ....و حاجة تتفلسف...
و قعدت أحكي معها وأرقع مايمكن ترقيعه لشوف وين بدي وصل معها...سالتها :شو عجبك فيني؟؟
قالتلي ما فيك شي حلو
ضجت منها و قلتلها(طيب ليش دقيتيلي ..ما تقوليلي من الملل..)
(صح..ههههههه...لا الحقيقة ضاع رقم رفيقي..ههههههههه)
(لا ..الحقيقة الحقيقة إنو شباب هالأيام غالبيتهم عم يتسلوا فحبيت رد كرامة البنات شوي و اتسلى فيك...يعني لو شتمتك من هون للصبح بتسكر في وجهي؟؟!!!
قلتلها طبعا
قالت وهي عم تتدلل( يا قاسي..)
قلت لها بكل حنيه طبعا لا معقوله اسكرها في وجهك...تنقطع إيدي انشالله قبل ما اسويها...
قالت(بااااالي.....)
على العموم انتهت المكالمة بقولتها لي على فكرة لك مستقبل يكون دمك خفيف.
ومر اسبوع والدلوعة كل ما صارت الساعه 1 بالليل تدقللي مرة تحكي معي كانها مديرة مكتب احد الوزراء ربع ساعه وتقول لي مشغوله عن اذنك...ومرة نحكي بالاربع ساعات..ومرات تزعلني ..تقول لي ما بقدر اكلمك من البيت بس مشتاقه لك ولحكياتك ..
المهم مرة من المرات دخلت علي بمقدمة رومانسية اول مرة تحكي معي ربع ساعه حكي رومانسي تقول لي ياحبيبي وياحياتي وانت عمري ...يا سلام الواحد من وين لوين بيسمع كلام حلو..
المهم استمرينا هالاسبوع واحساسي يزيد يوم عن يوم بانها مسيطره على الوضع الامر الذي كان مهدد برستيجي وعلى قولة ابوي الروحي (نزار قباني ..الحب معركة كبرى )..فقررت ومعروف عني على فكرة بان قراراتي حاسمة وجباره ..بأن اباغتها بالهجوم فدقيت عليها الموبايل في المغرب وكانت طالعه مع زميلاتها عالكوفي شوب ..
تنتتتن تتنتتن ... الو هلاا كيفك ..يابنات هذي اختي الكبيره..
لا ماني اختك لاتكذبي..بدي قللك انو اشتقتلك اولا و ثانيا بدي شوفك؟؟
شو عم تحكي يا أختي صبري علي بس ارجع عالبيت منتفاهم هلأ انا مشغولة ..بس ارجع انشالله بيصير خير..
لأ ما بيصير خير الا بيصير شر انا قفلت معي ..ردي علي هلأ هلأ موافقه ولا لأ هااه بسرعه لاتفكري...شو قلتي؟؟
خلااااص موافقه بس ارجع عالبيت نتفاهم و بروح معك بس الوقت اللي بحدده انا ..يالله بااااااي
لحظتها حسيت احساس أي رجل غبي يظن نفسه انتصر على امرأة..المهم بعد ساعة رجعت عالبيت و دقتللي و كانت كلها رقة و حنية (مرحبا حبيبي..)بسألها بتحبيني بتقللي و بموت فيك ..فكرتها عم تتهرب مني بخصوص لقاءنا و تغير الموضوع..بس ذكرتاه باللقاء فوافقت..و قالتلي اختار المكان
و رحت استعرض المطاعم و الكافيات و النوادي ..ما وافقت على اي مكان
بتقللي(يا سخيف قصدي يا حياتي..حدى بيواعد حبيبته بهالاماكن..شو ما بتغار علي..على الأقل أنا بغار عليك...
سالتها طيب و ين بدك نتواعد؟؟!!
قالتلي بنت خالي دكتورة اسنان في مركز (ام الضروس لمكافحة السوس )شو رأيك نتواعد هناك؟؟
قلت لها انتي صاحيه !!!..
قالت لي ماعليك انت روح لعندها المغرب و قللها بدي اكشف عند الدكتوره هدى..و مايهمك لأنها فري وعارفه عننا كل شي وكلمة السر ضرسي اللي فوق على اليسار عم يوجعني كتييير ,,أنا لا بسبقك يا بجييك على طول.

lady_rose

lady_rose: عضو جديد; عدد المساهمات : 7
نقاط : 11
السٌّمعَة : 5
تاريخ التسجيل : 13/08/2009
العمر : 38

مساهمة رقم 3

رد: حبي الذي لايموت

lady_rose الإثنين أغسطس 31, 2009 4:56 am

والمهم يروح عنتر اللي هو انا للمركز ويقابل الاستقبال واطلب منه اني اشوف الدكتورة هدى وادخل عليها وابتسم في وجهها ..بيني وبينكم وجه هدى لا هو وجه فري ولا وجه واحده من اساسه مستلطفه الرجال قالت لي نعم؟؟ قلت لها ضرسي اللي فوق على اليسار عم يوجعني ..
منتبه لي ضرسي اللي فوق على اليسار يوجعني قالتلي طيب استريح فجلست على كرسي اللي عند المكتب قالت لي لا اجلس على سرير المرضى ..
قلت لها بكل بلاهة ليه مو قلت لك ضرسي اللي فوق على اليسار ..قالت طيب..اجلس عالكرسي و بلا لكاعة...لا الظاهر ما في مزح ..و في سوء تفاهم ..
صاحت فيني والله عرفتك يللا اجلس..
وماحسيت الا انها تقول لي افتح فمك قلت هيييييه شو القصة لايكون جد بس..
قالت شوف كلها دقيقة والالم يخف صدقني ..وافتح فمي وتغزني بابره ..وتبدا تحكي معي مو انت اللي كلمتني الدلوعة عنك ...ساعتها تاكدت و اطمأنيت ..ومددت رجلي واسترخيت ..
وقلت للدكتورة شو قالتلك عني؟؟
ضحكت الدكتورة و قالتلي لاتخاف الدلوعة فهمتني كل شي عنك بالتفصيل الممل ..
ومامرت خمس دقايق الا اشوف الدكتورة تلوح لي بملقاط مدري كماشة يحمل سن قالت لي شفت كل شي سهل,, من اليوم ماراح تحس بألم مرة ثانية على فكرة ضرسك مسوس كتيرانتبه للباقين منيح..و انا ابتسم لها انشالله ...
لااااااااااااااااااااااااااء سننننننننننني ضرسي شو عملتي ..
قالت لي مو هذا السن اللي عم يوجعك ..انا كلمتني واحده بنت على ما اظن انها اختك وشرحت لي انك خجول من النساء كلهم وانو ضرسك ما عم يخليك تنام الليل..يالله هلأ شو رأيك رح تنام مرتاح الليلة ...
وركضت هربا من المركز وانا أصرخ ضرسي ضرسي والدكتورة وراي والسيكورتي تبع المركز لاني ما دفعت الحساب ...ثيابي اتملت دم وحالتي حاله ونفسيتي متحطمة حزنا على ضرسي ..وادق على جوال بنت الناس (والله تمنيت ساعتها انها ولد علشان الواحد يفضفض عن نفسه ويزيح عن قلبه )
و بعد محاولات عديدة و أنا عم دقلها (الووووووو انتيي هنااا )
ردت علي و قالت:آآممموووااا شو رايك بالمزحه ياحياتي (ومتل أي شب هالامموووااا جايبة روسنا في الارض ...)طفي غضبي و قلتلها:
فداك الضرس اللي راح والضروس اللي بتروح وطقم سناني كله..ضحكت و قالتلي و الله يا حياتي ما بعرف كيف عملت معك هيك .. بس صدقني حبيت امزح معك ..وراحت تبكي وتقول لي انا مابعرف امزح ..انا بايخه وجلست تصيح و تبكي..وانا اللي ضرسي طار وتمي عم يشرشر دم والف واحد يطاردوني ..جالس اراضيها واقول لها لاوالله مزحك حلو ويفتح النفس
اصلا اول مرة حدا بيمزح معي هالمزح اللي يفتح النفس..و قعدت أراضي فيها واصالح و كأني انا المخطىء,,,وقعدت تنوشق بانفها وتقول يعني مو زعلان مني ياحياتي ,,وانا اقول لها ابدا لايمكن هاد اللي مش ممكن .قالت طيب اثبت لي ...
قلت لها :بس هيك..سهله.. آآآممموواا
قالت لي: لااااء موهيك بدي توافق
قلت لها :اوافق على شو ؟؟؟!!!
قالت :موعد ثاني وقريب كمان ....قمت انا لا اراديا اسمحي لي يعني لسه في نزيف من عقب مزحتك ..فإذا بها ترجع تونون ..يعني الى الآن زعلان مني اهيء اهيء اهيء واااااااااء ..
قلت لها: لا ياحبيبتي مو هيك والله...
قالت لي :لا لا لا انت زعلان مني انت مابتحبني
قلت لها :لا والله بس موعد وخصوصا وانا بدون ضرس مابتحسي انها صعبه شوي يعني في فمي تسريب الآن يعني انتظريني سنة اركب سن تركيب ولا سنتين أضمن
قالت لي :لا موعد قريب وقريب جدا ولا بزعل!! يرضيك اني ازعل ...قلت لا خلاص كل شي الا زعلك ..وين بدك نلتقي انتي بس حددي أي مكان يعجبك
قالت لي خلاص منروح عالمطعم العائلي ..بكرة المغرب بتنتظرني على باب المطعم..قلتلها و انتي؟؟!!هذا موعد علني ؟؟!!قالت:لا لايهمك انا بانتظارك على اني اختك بس اسمع بدي منك تلبس جزمة صفراء و قميص أحمر وبنطلون بيج و خاتم فيروزي
قلت لها ايييييييه وين رايحين على موعد ولا سيرك
قالت لي لا ماعليك اسمع مني ولا يهمك ..منشان اذا سالوني أمن المطعم اقول لهم هذه اوصاف اخوي ...
وفعلا من صباحية اليوم الثاني توجهت للسوق واجمع هالملابس الغريبه صح كلفتني هديك الحسبة بس شو أعمل بدي سايرها لحتى شوف وين بدنا نصل
المهم ومن صلاة العصر رابطت في الموقع المحدد ..وعلى حسب اتفاقنا انها بتجي وتخبط كتفي بشنطتها..المهم وانا عم انتظر الا تجي بنت وتخبطني على كتفي و شفتها قبالي ولسه عم كلمها الا وتجيني خبطة على كتفي الثاني ..ياربي شو هالمزح الثقيل والتفت من الجهة الثانية فإذا برجال الأمن يبحلقون فيني و انا مصدوم
و لسه عم تأتأ حسب الخطة انها اختي واني عم انتظرها فإذا بها تصرخ و تولول ..(شفتوا بعينكم انه يتحرش فيني )
أأأأأأأأنا ما سويت شي ..قلت بس انتي اختي موو.
صرخت :إيه حاجة بقى قلة ذوق صرلك عم تلاحقني في السوق ساعه..
قلتلها:طيب لو اني مو اخوك ليه تخبطيني بالشنطة على كتفي ..
قالت :من قهري يا اخي طققتني احرجتني في السوق وانت تدور وراي بالله شو بدك اعمل لما واحد بهالشكل المقرف يلاحقني ..
و لسه عم دافع عن نفسي الا واحس اني مشيول على كفووف الراحة وما فتحت عيوني إلا بلاقي حالي بالمخفر
واخر شي أتذكره اربعه رجال من الحجم العائلي طلوا في وجهي ومن ساعتها ماصحيت الا و انا مربط على كرسي في المخفر وجنبي 6 اسنان وضرسين ..
وانا اقول ياربي مشبه علييهم وين وين الا طلعوا من فمي..نعم إنهم أسناني..بس صراحة بنج الشرطة ولا بنج الدكتورة بالراحة ومن جرعه واحده اتخدرت مرميا عالأرض ....
و لسه بلشت اصحصح فإذا هم _أعني اعضاء فرقة الصاعقه (الشرطة)_مقبلين علي ..و رحت أصرخ بس بيكفي خلاص بدي أحتفظ ببقية اسناني صار في صدى في فمي وبرد من كثر الفراغات ...
قالوا لي ما رح نسويلك شي بس هذا ابوك بيوقع على تعهد عنك لانك احمق ولست بمصدر ثقة ..وخلينا نشوفك عبتعيدها مرة ثانيه...ياويلك لو نصيدك ....عمتفهم..وانا مربط على الكرسي :فهمت فهمت والله العظيم فهمت...
المهم وقع الوالد وطلعني وما قصر الوالد تمرن على طب الاسنان علي وقلعله على الطاير نابين علويين بحركة بهلوانيه ..
المهم بعد هذا كله بكل امانه كرهتها كرهتها ولو أنها أمامي والله لانتف شعرها تنتيف ...

...

lady_rose

lady_rose: عضو جديد; عدد المساهمات : 7
نقاط : 11
السٌّمعَة : 5
تاريخ التسجيل : 13/08/2009
العمر : 38

مساهمة رقم 4

النهاية

lady_rose الإثنين أغسطس 31, 2009 5:02 am

وفعلا وانا الململم في عظامي في منتصف الليل فإذا بالتليفون بيرن الساعه 2 الفجر وطبعا ما هان علي التليفون،رفعت السماعه فإذا هي على الخط ..
كل الكلام اللي جلست احفظ اقوله لها من شتم وسب نسيته لحظة قالت لاتزعل مني ياحبيبي وطقتها بكوة (يعني صاحت)وانا اسفه وما استاهلك وسامحني بعرف حالي غلطانة من ساسي الى راسي بليز بليز ..
وما مرت دقيقتين الا انقلب الوضع تماما صرت انا اللي اصيح وهي اللي تهديني بس ياحبيبي بس والله ما اخليك......(ماقلت لكم اني شديد )...
و متل العادة رجع عنتر لعبلته ورجعت عبلته لمقالبها ..
صح انها كانت مرات طيبة معه يعني قد أحببتها بصدق وقابلتها كذا مرة ..الى أن..اجاها النصيب وتزوجت ...
وقبل زواجها حلفت علي وأكدت اني لازم احضر العرس وقالت لي في قصر الافراح والليالي الملاح وطبعا رحت تلك الليلة لذاك القصر ..
و بين أهازيج العرس أقبلت علي فتاة رقيقة و جميلة..طلعت حبيبتي طيبة وكّلت إحدى صديقاتها فيني لحتى تزوجت صديقتها..وهي بدورها وكلت فيني صديقتها الأخرى ...
يعني اصبحت في سلسلة غير منتهية... عرفتوا ليه انا اسميها حبي الذي لايموت...

خلصت الحكاية و عفوا لأني طولت عليكم بس حاولت قلص القصت ما تقلصت معي...
بتمنى تكون عجبتكم...